Qazaxıstanın “Ak Jol” demokratik partiyasının sədr müavini Kazbek İsa Petropavlovsk, Pavlodar və Semey şəhərlərinin adlarının dəyişdirilməsini təklif edib.
O, bu şəhərlərə tanınmış qazax tarixi şəxsiyyətlərin adlarının verilməsini istəyib.
O bildirib ki, Petropalovskun adı Abıl xanın, Pavlodarın adı Kesenarın müstəqlliyinin, Semeyin adı isə Alixan Bukeyxanovun şərəfinə dəyişdirilməlidir.
Xatırladaq ki, martın 20-də Qazaxıstan prezidenti Kasım-Jomart Tokayev Astananın adını ölkənin birinci prezidenti Nursultan Nazarbayevin şərəfinə Nur-Sultan olaraq dəyişdirilməsini təklif edib. Həmin gün parlament Konstitusiyada müvafiq dəyişiklik edib.
Martın 23-də dövlət başçısı dəyişikliyi təsdiq edib və sərəncam imzalayıb.

Tehsil-press.az