Türkiyənin İsparta Tətbiqi Elmlər Universitetinin beynəlxalq əlaqələr üzrə ümumi koordinatoru, professor Abdulla Diler, bu ali məktəbin Mövlanə mübadilə layihəsi üzrə əlaqələndiricisi Musa Yavuz və Baltik Beynəlxalq Akademiyasında Türk Təhsil Mərkəzinin koordinatoru Balayar Əliyev Azərbaycan Texniki Universitetində (AzTU) olublar.
Rektor vəzifəsini icra edən, professor Xalıq Yahudov qonaqlara universitet haqqında geniş məlumat verib. O, son illər AzTU-nun kadr potensialı, elmi-texniki və beynəlxalq əlaqələrinin inkişafı ilə bağlı görülən işlərdən danışıb. Xalıq Yahudov dekabrın 18-dən 20-dək AzTU-da keçiriləcək “Azərbaycan və Türkiyə universitetləri: təhsil, elm, texnologiya” I Beynəlxalq elmi-praktik konfransa İsparta Tətbiqi Elmlər Universitetinin nümayəndələrini dəvət edib.
Görüşdə birgə tədqiqatlar aparılması, seminar və konfransların keçirilməsi, professor-müəllim heyətinin qarşılıqlı səfərləri və s. məsələlər müzakirə olunub.
Daha sonra AzTU və İsparta Tətbiqi Elmlər Universiteti arasında Mövlana mübadilə layihəsi üzrə əməkdaşlıq müqaviləsi imzalanıb.

AzTU-nun Mətbuat Xidməti