Yaponiyanın paytaxtı Tokiodakı keçirilən dünya çempionatında medal qazanan cüdoçularımıza veriləcək pul mükafatları müəyyənləşib.
Gümüş medal qazanan Rüstəm Orucovun mükafatı 12000 dollar təşkil edir. Onun məşqçisinə isə mükafat olaraq 3000 dollar veriləcək.
Digər cüdoçumuz, bürünc medal qazanan Hidayət Heydərova çatacaq mükafatın məbləği isə 6400 dollardır. Yetirməsi medal qazandığı üçün onun məşqçisinə 1600 dollar mükafat veriləcək.
Qeyd edək ki, dünya çempionatında qızıl medalın mükafatı 20800 dollar təşkil edir. Dünya çempionu olan idmançının məşqçisinə isə 5200 dollar mükafat verilir. Çempionatın mükafat fondu isə 800 min dollardır.

Tehsil-press.az