AMEA-nın Memarlıq və İncəsənət İnstitutunda “Mədəniyyətlərarası dialoq” mövzusunda dəyirmi masa keçirilib.
Azərbaycan Dövlət Mədəniyyət və İncəsənət Universiteti ilə Memarlıq və İncəsənət İnstitutunun birgə tədbirlər planına əsasən reallaşan dəyirmi masada müvafiq qurum və təşkilatların nümayəndələri iştirak ediblər.
Tədbirdə mədəniyyətlərarası dialoqun multikulturalizmin formalaşmasındakı rolundan bəhs edilib. Bildirilib ki, ölkəmizdə çoxlu azsaylı xalqlar yaşayır və Azərbaycanda multikulturalizm siyasətinə, mədəniyyətinə və ideologiyasına olan diqqət yüksək səviyyədədir.
Çıxış edənlər ölkəmizdə tarixən multikulturalizm ənənələrinin mövcud olduğunu və bu siyasətin Azərbaycanda uğurla aparıldığını vurğulayıblar.

AZMİU-nun Mətbuat Xidməti