ANKOS-a üzv olan qurumlar arasında peşəkar və elmi qarşılıqlı əlaqəni artırmaq üçün afişa onlayn sessiyaları təşkil edilib.
Xəzər Universitetinin Kitabxana və İnformasiya Mərkəzinin direktoru Tatyana Zaytsevanın “Kitabxanada innovativ yanaşma və xidmətlər: nailiyyətlər və çağırışlar (Xəzər Universitetinin nümunəsində)” adlı posteri ANKOS Proqram Komitəsinin qəbul etdiyi 15 posterdən biridir. Qəbul edilmiş posterler onlayn vebinarda nümayiş olunub.
Tatyana Zaytseva Kitabxana və İnformasiya Mərkəzinin nailiyyətləri və problemlərinə həsr olunmuş təqdimatla vebinarda iştirak edib. Vebinarın rəhbəri Emre bəy Akbayrakın sözlərinə görə, Tatyana Zaytsevanın fantastik təqdimatı ANKOS-un saytında yerləşdiriləcək.
Anadolu Universiteti Kitabxanalar Konsorsiumu (ANKOS) 2000-ci ildə 12 üzv kitabxana və üç verilənlər bazası abunə xidməti ilə qurulub. Bu gün ANKOS 83 verilənlər bazası ilə 1628 müqavilə bağlayan 60-dan çox yayıcının olduğu böyük bir cəmiyyətdir. Bu, 155 universitetin və tədqiqat müəssisələrinin üzvü olduğu və təxminən 50 işçisi olan, beynəlxalq aləmdə öz yerini tutan bir konsorsium, peşəkar bir birlik, böyük bir könüllü cəmiyyətdir.

Tehsil-press.az