Azərbaycan Milli Konservatoriyasının 2021-2022-ci tədris ili üzrə qəbul planında V ixtisas qrupu üzrə 18 yer boş qalıb.
Bu barədə məlumat “Abituriyent” jurnalının 7-ci nömrəsində dərc olunub.
Azərbaycan Milli Konservatoriyasında bəstəkarlıq, dirijorluq (xalq çalğı alətləri orkestrinin dirijorluğu, xor dirijorluğu) və vokal sənəti (milli vokal) üzrə ödənişli əsaslarla təhsil almaq istəyənlər boş qalan plan yerlərinə internet vasitəsilə ixtisas seçimi edə bilərlər. Təhsil əyani formadadır.
Xatırladaq ki, ali məktəblərin boş qalan plan yerlərinə ixtisas seçimi internet vasitəsilə sentyabrın 10-dək aparılacaq.

Tehsil-press.az