Xaçmaz şəhərindəki Heydər Əliyev Mərkəzində “Uşaqlara məktəbə hazırlaşmağa kömək et” aksiyası keçirilib, burada gələcək birinci sinif şagirdlərinə məktəb ləvazimatları və çantalar hədiyyə edilib.
Bu aksiya Azərbaycanın Rus İcmasının, Xaçmaz Şəhər İcra Hakimiyyətinin dəstəyi ilə Bakıdakı Rus Evi (RİMM) Azərbaycan tərəfindən təşkil edilib.
Şagirdləri Xaçmaz Şəhər İcra Hakimiyyəti başçısının müavini Günel Nurəddinova, Milli Məclisin deputatı, Azərbaycanın Rus İcmasının sədri Mixail Zabelin, Bakıdakı Rus Evinin nümayəndəsi Dmitri Yeqorov, Yeni Azərbaycan Partiyası Xaçmaz rayon təşkilatının sədri Şəmsəddin Xanbabayev təbrik ediblər.
Hədiyyələr təqdim edildikdən sonra, Xaçmaz şəhər 8 nömrəli məktəb-liseyin birinci sinif şagirdlərinin və 5-6-cı sinif şagirdlərinin iştirak etdiyi bayram konserti keçirilib.

Tehsil-press.az