Böyük Britaniyanın Baş naziri Boris Consonun hakim Mühafizəkarlar Partiyasının liderliyindən istefa verməsindən sonra partiya liderliyi və Baş nazir postu uğrunda 8 namizədin mübarizə aparacağı açıqlanıb.
Bu haqda İngiltərədə hakim Mühafizəkarlar Partiyasında liderlik prosesini idarə edən 1922 Komitəsinin sədri Ser Qrem Bredi açıqlama verib.
Bredi, ən azı 20 millət vəkilinin dəstəyi ilə növbəti tura keçən namizədlərin Kemi Badenok, Suella Braverman, Ceremi Hant, Penni Mordaunt, Rishi Sunak, Tom Tugendhat, Liz Truss və Nadhim Zahavi olduğunu açıqlayıb.
Bugünkü səsvermədən keçən 8 namizəd sabah saat 15.30-17.30-da keçiriləcək ilk səsvermədə iştirak edəcək və bu dəfə ən azı 30 deputatın səsi uğrunda mübarizə aparacaq.
Növbəti səsvermə cümə axşamı, lazım gələrsə, 18 iyul bazar ertəsi namizədlərin sayını ikiyə endirmək üçün başqa bir səsvermə ilə keçiriləcək.
Daha sonra ölkə üzrə təxminən 160 min Mühafizəkarlar Partiyası üzvü son iki namizəd arasından ölkənin yeni baş nazirini və partiyanın yeni liderini seçəcək.
Beləliklə, partiyanın yeni lideri və Baş nazirin 10 nömrəli iqamətgahının yeni sakini sentyabrın 5-də bəlli olacaq.

Tehsil-press.az