Holland rəssam Piet Mondrianın əsəri 75 ildir ki, qalereyalarda tərs sərgilənir.
Bunu incəsənət tarixçisi və kurator Suzan Meyer-Buzet deyib.
Onun sözlərinə görə, 1980-ci ildən “Düsseldorf” muzeyində nümayiş etdirilən “New York City l” adlı əsərin artıq zədələnmə riski var.
“Torun daralması gecə səması kimi yuxarıda olmalıdır”, - deyə Buzet bildirib.
Bu versiya dolayısı ilə Mondrianın Nyu-York şəhərinin Parisdəki Pompidu Mərkəzində nümayiş etdirilən başqa bir əsərində sətirlər arasındakı boşluğun həqiqətən yuxarıdan daralması ilə təsdiqlənir. Üstəlik, məşhur hollandiyalının emalatxanasından çəkilmiş fotoşəkillərdən birində “New York City l” əsəri dəstgahda yaradıcının nəzərdə tutduğu vəziyyətdə nümayiş olunub.
Şəkil 1944-cü ilin iyununda Amerikanın “Town and Country” jurnalı tərəfindən dərc edilib.
Qeyd edək ki, Mondrian 20-ci əsrin ən nüfuzlu rəssamlarından biri və müasir abstrakt minimalizm və ekspressionizmin qabaqcıllarından biri hesab olunur. Onun işi təkcə digər rəssamlara deyil, həm də memarlara, dizaynerlərə və modelyerlərə böyük təsir göstərib.

Tehsil-press.az