Bakı Dövlət Universitetinin (BDU) tələbələri üçün DOST Agentliyində təcrübə proqramları təşkil olunacaq.
Bu, DOST Agentliyi və BDU arasında imzalanmış anlaşma memorandumunun icrası üzrə birgə fəaliyyət planında əksini tapıb.
Birgə fəaliyyət planına əsasən, iki qurum arasında idarəetmə, sosial-iqtisadi, təhlil-statistika, insan resursları, ictimaiyyətlə əlaqələr və s. istiqamətlərdə birgə təlimlərin təşkili, DOST Agentliyinin peşəkar əməkdaşlarının BDU-da ustad dərslərinin keçirilməsi, tədris prosesinə cəlb olunması nəzərdə tutulur.
Birgə əməkdaşlıq çərçivəsində BDU-nun Sosial iş ixtisası üzrə tədris proqramları əmək bazarının tələblərinə uyğunlaşdırılacaq. BDU tələbələrinin DOST Agentliyinin könüllülük proqramında aktiv iştirakı üçün maarifləndirici infosessiyalar keçiriləcək.

Tehsil-press.az