Türkiyənin paytaxtı Ankara şəhərinin bələdiyyə sədri Mansur Yavaş barəsində istintaq başlayacağı iddia edilib.

Bu barədə Türkiyə mətbuatı məlumat yayıb.

Mansur Yavaş barəsində yayılan iddiaya belə cavab verib:

“Mənə qarşı 109 şikayət olub, bunlardan 101-i müfəttişlər tərəfindən bağlanıb. Qalan şikayətlər də bağlanacaq. Hazırda mənə qarşı heç bir istintaq aparılmır, hər kəs mənim bank hesablarımı yoxlaya bilər, lazım gələrsə, açıqlayacam”.

Xatırladaq ki, Türkiyənin hüquq-mühafizə orqanları dünən İstanbul bələdiyyəsində əməliyyat keçirib. Əməliyyat çərçivəsində İstanbulun bələdiyyə sədri Əkrəm İmamoğlu və bələdiyyənin 100 əməkdaşı saxlanılıb. Onlar terror təşkilatına yardım və rüşvətxorluqda ittiham edilir.

Tehsil-press.az