Avropa İttifaqı (Aİ) İstanbul Böyükşəhər Bələdiyyə (İBB) sədri Əkrəm İmamoğlunun həbsinə görə Türkiyə ilə əməkdaşlığı yenidən qiymətləndirəcək.Bu barədə Aİ sözçüsü Markus Lammert açıqlama verib.
"Son narahatedici hadisələrə görə, Türkiyə ilə əlaqələrimizi diqqətlə yenidən ölçməliyik. Türkiyə bizim üçün strateji tərəfdaş olduğundan, qarşılıqlı maraq doğuran məsələləri müzakirə etmək üçün əlaqələri açıq saxlayacağıq",- deyə o bildirib.
Brüsseldə jurnalistlərin suallarını cavablandıran Lammert "Hüququn aliliyi ilə bağlı problemləri və narahatlıqları gündəmə gətirməyə davam edəcəyik. Biz Türkiyənin Avropa dəyərlərinə bağlı olmasını istəyirik" deyib.
Qeyd edək ki, ABŞ prezidenti Donald Trampın vergilər və Ukrayna məsələsinə görə Avropaya bir növ müharibə elan etməsi Aİ-də böyük şok yaradıb. Yenidən silahlanma üçün böyük büdcələr yaratmağa başlayan Aİ NATO-nun ikinci ən böyük ordusuna sahib Türkiyə ilə münasibətlərini bərpa etməyə çalışır.
Ekspertlər isə xüsusilə təhlükəsizlik məsələlərində Aİ-nin Türkiyə ilə münasibətlərinə xələl gətirəcək addımlardan uzaq durmağa çalışdığını bildirirlər.
Tehsil-press.az
