“Gənc istedadlar” liseyinin şagirdləri BDU-nu ziyarət ediblər

“Gənc istedadlar” liseyinin şagirdləri BDU-nu ziyarət ediblər Bakı Dövlət Universitetinin (BDU) nəzdində “Gənc istedadlar” liseyinin VII sinif şagirdləri BDU-nu ziyarət ediblər. Şagirdlər BDU-nun Heydər Əliyev muzeyi, Heydər Əliyev lektoriyası, Təkamül muzeyi, Universitetin unikal layihəsi olan “EKO Məkan”da olublar.

Şagirdlərə BDU-dakı ixtisaslar barədə ətraflı məlumat verilib. Bildirilib ki, müasir dövrün tələbləri və karyera imkanları nəzərə alınaraq, tələbələr üçün hər cür şərait yaradılıb. Universitetin müasir tədris metodları, informasiya texnologiyaları sahəsində tətbiq etdiyi yeniliklər, BDU-nun “TEKNOFEST” və “Robotex” komandalarının beynəlxalq uğurları da diqqətə çatdırılıb.

Sonda şagirdlər BDU-nun yeni təmir olunmuş 2 saylı tədris binasında yaradılan şəraitlə tanış olublar.

Tehsil-press.az

Oxşar xəbərlər