Son günlər ölkədə pensiyaların gələn il nə qədər artacağı ilə bağlı müzakirələr aktuallaşıb. Xüsusilə, qiymət artımları fonunda əhalini ən çox maraqlandıran məsələlərdən biri də pensiyaların hansı qaydada indeksləşdiriləcəyi və artımın kimləri əhatə edəcəyi ilə bağlıdır.

Mövzu ilə bağlı açıqlama verən iqtisadçı professor Elşad Məmmədov bildirib ki, ölkədə pensiyaların artırılması prosesi qanunvericiliyə uyğun olaraq indeksləşdirmə yolu ilə həyata keçirilir.

Professorun sözlərinə görə, hazırda tətbiq edilən mexanizmə əsasən:
• Əmək bazarında aktiv çalışan vətəndaşların pensiya kapitalı Dövlət Statistika Komitəsinin açıqladığı istehlak qiymətləri indeksinə uyğun olaraq indeksləşdirilir.
• Artıq pensiya təyin olunmuş şəxslərin isə pensiyaları illik orta əməkhaqqı artımına əsasən yenilənir.

Məmmədov qeyd edib ki, növbəti il üçün rəsmi statistika açıqlanandan sonra konkret rəqəmlər müəyyən olunacaq.

Qeyd edək ki, bəzi ekspertlər və dövlətə yaxın mınbələr pensiyaların təxminən 9 faiz ətrafında indeksləşdiriləcəyini deyirlər. Bu isə 300 manat pensiya alanlara təxminən 27 manat artım deməkdir.

Tehsil-press.az