Kimsə Türkiyədə əməliyyat apara bilməz. Tehsil-press.az-ın "Habertürk" qəzetinə istinadən verdiyi məlumata görə, bunu Türkiyə Prezidenti Rəcəb Tayyib Ərdoğan bəyan edib.

Dövlət başçısı qeyd edib ki, Türkiyə xalqı 15 iyulda sadəcə bayrağına, azanına, demokratiyasına deyil, hədəflərinə də sahib çıxdı: "Bundan narahat olanlar oldu. Azan səslərindən narahat olanlar oldu. Əvvəllər də belələri olub, gələcəkdə də olacaq. Xalqımız FETÖ daxil olmaqla bütün terror təşkilatlarına meydan oxuyaraq "tək millət, tək vətən, tək bayraq" dedi. Bizim torpaqlarımız şəhid qanları ilə yoğruldu, kimsə vətənimizdə əməliyyat apara bilməz".
R.T.Ərdoğan əlavə edib ki, Türkiyə bundan sonra terroru mənbəyində məhv edəcək: "Bunun üçün Suriyadayıq, İraqdayıq. Yerləşmək üçün deyil, oradan gələn təhdidlərin qarşısını yerində almaq üçün o ərazilərdəyik. Biz baş verən, amma baş əyməyən bir millətik".

Tehsil-press.az