Bakı Dövlət Universitetinin (BDU) Abay adına qazax dili, tarixi və mədəniyyəti mərkəzində qazax folklorunun məşhur “Qız Cibək” dastanının Azərbaycan dilinə tərcüməsinin təqdimat mərasimi keçirilib.

BDU-dan tehsil-press.az-a bildiriblər ki, bu əsər ana dilimizə universitetin türkologiya kafedrasının müdiri, professor Ramiz Əskər tərəfindən tərcümə edilib.
Tədbirdə “Qız Cibək” dastanının Azərbaycan və qazax dillərindəki nümunələri, qazax ədəbiyyatı haqqında ölkəmizdə yazılan bir çox kitablar nümayiş etdirilib.
Çıxış edənlər dastanla bağlı fikirlərini bölüşüb, əsərin Azərbaycan dilinə tərcümə edilməsinin əhəmiyyətindən danışıblar.

Tehsil-press.az