Xarici işlər naziri Elmar Məmmədyarov 4-cü Ümumdünya Mədəniyyətlərarası Dialoq Forumu çərçivəsində Etnik Anlaşma Fondunun prezidenti ravin Mark Şnayeri qəbul edib.

Xarici İşlər Nazirliyindən Tehsil-press.az-a verilən məlumata görə, görüşdə Azərbaycan-ABŞ və Azərbaycan-İsrail münasibətlərinın hazırkı vəziyyəti, habelə ABŞ-dakı yəhudi icması ilə ölkəmiz arasında qurulmuş uğurlu əməkdaşlıq məsələləri ətrafında fikir mübadiləsi aparılıb.
Mark Şnayer Azərbaycanda tarixən mövcud olan dini dözümlülüyü yüksək qiymətləndirib və yəhudilərin burada özlərini rahat və təhlükəsiz hiss etdiyini diqqətə çatdırıb. O, həmçinin mədəniyyətlərarası və dinlərarası dialoqın təşviqində Azərbaycanın rolunu xüsusi vurğulayıb.
Görüşdə, həmçinin, ölkələr arasında əməkdaşlığı inkişaf etdirmək üçün icmalararası əlaqələrin gücləndirilməsinin vacibliyi qeyd edilib.

Tehsil-press.az