Dini Qurumlarla İş üzrə Dövlət Komitəsi (DQİDK) dini məbədlərdə çəkilişlərin aparılması ilə bağlı Milli Televiziya və Radio Şurasına (MTRŞ) və Mətbuat Şurasına məktub ünvanlayıb.
Təhsil-press.az məlumatına görə, Komitə sədri Mübariz Qurbanlı jurnalistlərə bildirib ki, bəzən dini abidələrdə çəkiliş aparır, mahnı oxuyur və dini həssalığı nəzərə almırlar:
"Bu isə sonradan müəyyən problemlərin yaranmasına səbəb olur. Bütün dini abidələrdə, istər senaqoq olsun, istər kilsə, istərsə də məscid - çəkiliş apararkən diqqətli və həssas olmaq lazımdır ki, sonradan problemlər ortaya çıxmasın. Qanunda bununla bağlı məsələ əksini tapmayıb, ancaq bu, mənəviyyat məsələsi olduğuna görə, diqqətlə yanaşılmalıdır. Gələcəkdə bu məsələ ilə bağlı qanuna dəyişikliyin edilməsi nəzərdə tutulur”.

Təhsil-press.az