"Azərbaycanda bütün səsvermə hüququ olan vətəndaşlar adı seçici siyahısında olmasa belə, seçki məntəqəsinə yaxınlaşıb şəxsiyyət vəsiqəsini təqdim etməklə səs verə bilər".
Bunu Mərkəzi Seçki Komissiyasının sədri Məzahir Pənahov deyib.
O qeyd edib ki, müəyyən qisim insanlar var ki, hanısa səbəbdən seçici siyahısına düşməyib və ya düşməkdən yayınıb. Buna baxmayaraq onlar da öz sənədlərini təqdim etməklə səs verə bilərlər.
M.Pənahov bildirib ki, bəzi ölkələrdə seçici siyahısında adı olmayan insanların səsvermə hüququ olmur, lakin Azərbaycanda belə deyil. Vətəndaş adının seçici siyahısında olub-olmamasından asılı olmayaraq birbaşa seçki məntəqəsinə yaxınlaşıb səs verə bilər.
MSK sədri əlavə edib ki, sabah seçkilərlə bağlı bütün müraciət və şikayətlərə dərhal cavab veriləcək.

Tehsil-press.az