Bu yaxınlarda ölkəmizdə səfərdə olan məşhur türk reper Sagopa Kajmer (Yunus Özyavuz) sosial şəbəkədə Azərbaycan səfəri ilə bağlı gileyini dilə gətirib.
Reper valyutadəyişmə məntəqəsində türk lirəsini manatla dəyişmək istəyib, ancaq buna nail ola bilməyib:
“Mənə “sizin pulunuz dəyərsizdir, bu səbəbdən türk lirəsini manatla əvəzləmirik” dedilər. Axı biz qardaşdıq? Artıq Azərbaycanda deyiləm. Bakıdakı dəyərli sevənlərimə sevgilərlə”.
Xeyli sayda azərbaycanlı tvitter istifadəçisi cavab yazaraq Bakıda Türkiyə valyutasının konvertasiyasının mümkünlüyü ilə bağlı reperi məlumatlandırıblar.
Qeyd edək ki, rəsmi məzənnəyə əsasən, hazırda 1 türk lirəsi 0.3726 manatdır.



Tehsil-press.az