Abel Məhərrəmov forumda iştirak üçün Moskvaya dəvət edilib

Abel Məhərrəmov forumda iştirak üçün Moskvaya dəvət edilib Rusiya Elmlər Akademiyasının prezidenti, akademik Aleksandr Serqeev Bakı Dövlət Universitetinin rektoru, Azərbaycan və Rusiya Elmlər Akademiyasının həqiqi üzvü Abel Məhərrəmova YUNESKO-nun qeyri-dövlət tərəfdaşlarının Moskvada keçiriləcək X Beynəlxalq elmi forumunda iştirak və çıxış etmək üçün dəvət məktubu göndərib.
Akademik Aleksandr Serqeev "Elm və bəşəriyyətin davamlı inkişafı" mövzusunda keçiriləcək forumda görkəmli azərbaycanlı alimin iştirakının forumun yüksək səviyyəsinə və əhəmiyyətinə faydalı olacağına, bəşəriyyətin davamlı inkişafı naminə həlledici qərarların qəbul edilməsinə kömək edəcəyinə əminliyini ifadə edib.
Forum çərçivəsində Bakı Dövlət Universiteti ilə Rusiya Elmlər Akademiyası və qurumun müvafiq institutları arasında əməkdaşlıq məsələləri müzakirə ediləcək, birgə tədqiqat işləri, elmi işçilərin mübadiləsi, konfrans, simpozium keçirilməsi istiqamətində danışıqlar aparılacaq.

Tehsil-press.az

Oxşar xəbərlər