Azərbaycan Dövlət İqtisad Universitetinin (UNEC) rəqəmsal iqtisadiyyat və informasiya-kommunikasiya texnologiyaları kafedrasının müəllimləri, dosent Aida Quliyeva və Ülviyyə Rzayevanın həmmüəllifi olduqları elmi məqalə ən böyük istinad bazası kimi tanınan “Scopus”a daxil olan jurnalda dərc edilib.
“Qlobal təhlükəsizlik və iqtisadi asimmetriya: inkişaf etmiş və inkişaf etməkdə olan ölkələrin müqayisəsi” adlı tədqiqat işinin dərc olunduğu jurnal “Journal of security and sustainability issues” adlanır.
Alimlər məqalədə enerji ixracından asılı ölkələrə təsir göstərən qlobal asimmetriyanı nəzərdən keçirib, neft və neft məhsulları satışından əldə edilən gəlirlərin azalması şəraitində bu asimmetriyadan çıxış yollarını araşdırıblar.

UNEC-in Mətbuat Xidməti