ADU professorunun müsahibəsi Çin saytında dərc olunub

ADU professorunun müsahibəsi Çin saytında dərc olunub Çin Dövlət Şurası Mətbuat Bürosunun Çin informasiya internet mərkəzinin saytında Azərbaycan Dillər Universitetinin nəzdində fəaliyyət göstərən Konfutsi İnstitutunun Azərbaycan tərəfindən direktoru Rafiq Abbasovla müsahibə dərc olunub. ADU-nun professoru Rafiq Abbasov Azərbaycanda çinşünaslığın inkişaf tarixi, Azərbaycan-Çin dostluq və əməkdaşlıq cəmiyyətinin fəaliyyəti, özünün elmə gedən yolu, sinoloq və Çin dili üzrə hərbi tərcüməçi peşəsinin seçimi barədə danışıb. Rafiq Abbasov həmçinin Konfutsi İnstitutunun elmi, tədris və ictimai fəaliyyəti, tarixi İpək yolunun dirçəlməsi ilə qlobal əhəmiyyətə malik “Bir kəmər-bir yol” Çin layihəsinin həyata keçirilməsi istiqamətində aparılan araşdırmalar haqqında məlumat verib. Rafiq Abbasov ADU-nun Konfutsi İnstitutunun nəşr etdiyi, Azərbaycan və Çin arasında ənənəvi dostluq münasibətləri və çoxtərəfli əməkdaşlığı gücləndirmək və inkişaf etdirmək məqsədi ilə Prezident İlham Əliyevin fəaliyyətinə həsr olunmuş “İlham Əliyev – iki qədim xalqın dostluğunun müasir davamçısı” kitabı və Azərbaycan dilində çapdan çıxmış, Çin Xalq Respublikasının Sədri Si Cinpinin dövlət idarəçiliyinin müasir konsepsiyasına və Çin rəhbərliyinin siyasi strategiyasına həsr olunmuş çıxışlarının əsas tezislərindən ibarət toplu, Azərbaycan tarixində ilk Çin dili dərsliyi haqqında məlumat verib.

ADU-nun Mətbuat Xidməti

Oxşar xəbərlər