Rusiya Federasiyasının Rostov şəhərində yerləşən Menecment, Biznes və Hüquq İnstitutunun direktoru və təsisçisi, professor İmran Əkbərov Azərbaycan Texniki Universitetində (AzTU) olub.
Rektor əvəzi, professor Xalıq Yahudov universitetin tarixi, beynəlxalq əlaqələri, fakültələri haqqında məlumat verib və Menecment, Biznes və Hüquq İnstitutu ilə əməkdaşlıqdan məmnun olduğunu qeyd edib.
Görüşdə nəqliyyat sahəsi üzrə yerinə yetirilən birgə layihələr, eyni zamanda, təhsil, müəllim-tələbə mübadiləsi, elmi-tədqiqat işlərinin qarşılıqlı təşkili və s. məsələlər haqqında fikir mübadiləsi aparılıb.
Sonra əməkdaşlıq müqaviləsinin şərtləri müzakirə edilərək ilkin razılıq əldə olunub.