Xarici ali təhsil ixtisaslarının tanınması və ekvivalentliyinin müəyyən edilməsi (nostrifikasiyası) üzrə müraciətlərə baxılması prosesi iyulun 1-dən avqustun 31-dək müvəqqəti olaraq dayandırılacaq.
Buna səbəb 2018-2019-cu tədris ilinin başa çatması ilə əlaqədar yay aylarında xarici ali təhsil müəssisələrinin və aidiyyəti qurumların əksəriyyətinin fəaliyyət göstərməməsi, eyni zamanda, müvafiq proqram təminatında həyata keçirilən təkmilləşdirmə işləri ilə bağlıdır.
Müraciətlərə baxılması sentyabrın 1-dən etibarən növbəlilik prinsipi əsasında davam etdiriləcək.
Qeyd edilən müddət ərzində istisna hal kimi yalnız hərbi xidmətdə olacaq şəxslər sənədlərinə fasiləsiz baxılması üçün [email protected] elektron poçt ünvanına müraciət edə bilərlər.

Mətbuat Xidməti