Paytaxtın ümumi təhsil müəssisələrinin müəllimləri üçün innovasiyalar və yeni texnologiyaların tədrisdə tətbiqi üzrə keçirilən stajkeçmə xidməti davam edir.
Stajkeçmə xidmətinə 21 ümumi təhsil müəssisəsindən 349 müəllim cəlb olunub.
Stajkeçmə xidməti zamanı müəllimlərin iştirakı ilə fərdi və qrup görüşləri keçirilir, dərs müşahidələri aparılır. Fərdi və qrup görüşlərində İKT üzrə təlimlərdə iştirak edən müəllimlərin yeni texnologiyalardan dərs prosesi zamanı səmərəli istifadə qaydaları yoxlanılır.
Üç ay davam edəcək stajkeçmə xidməti 5 mərhələdən ibarətdir. Xidmətin əsas məqsədi pedaqoji heyətin fəaliyyətinin səmərəliliyini daha da artırmaq, onların təkmilləşmə prosesinin təhlilini aparmaq, müəllimlərin bilik və bacarıqlarını qiymətləndirmək, stajkeçmə xidmətindən istifadə edən hər bir müəllim üçün fərdi inkişaf planı hazırlamaqdan ibarətdir.

Tehsil-press.az