Azərbaycan Milli Elmlər Akademiyasının (AMEA) Riyaziyyat və Mexanika İnstitutunun gənc alimi, mexanika üzrə fəlsəfə doktoru Emin Bağırovun son həftədə ikinci elmi məqaləsi ABŞ-ın impakt faktorlu “Computer Modeling in Engineering and Sciences” jurnalında dərc olunub.
Məqalə “Boş silindr və ətraf mühitdən ibarət olan qeyri-bircins əvvəlcədən gərginləşmiş sistemin məcburi rəqsləri” (Forced vibration of the non-homogeneously pre-stressed system consisting of the hollow cylinder and surrounding medium) mövzusuna həsr olunub.
Xatirladaq ki, gənc alimin daha əvvəlki məqaləsi ABŞ-ın nüfuzlu “Computers, Materials and Continua” jurnalında yer alıb. Hər iki məqalənin dərc edildiyi dərgilər “Web of Sciences” və “Scopus” bazalarında indeksləşir, həmçinin kompüter, riyaziyyat və mexanika sahələrində yüksək nüfuzlu jurnallar sırasındadır.

Tehsil-press.az