Bir-birini tamamladığını zənn etdiyimiz və unudulmaz dad palitrası yaradan məhsullar zərərli imiş. Bu barədə “Komsomolskaya pravda”ya həkim, endokrinoloq-diyetoloq Yekaterina İvannikova danışıb.
İlk növbədə kakao ilə südün qarışığını unutmaq lazımdır. Kakaonun tərkibində olan otqulağı turşusu kalsiumu həzm etməyə imkan vermir. Bu cür kombinasiya sidik daşı xəstəliyindən əziyyət çəkən insanlara da əks göstərilib.
Həkim cem və ya mürəbbə ilə yeyilən ağ çörəkdən imtina etməyi məsləhət görür. Rəfinə olunmuş buğda ununun tərkibində onsuz da tez həzm olunan karbohidratlar var. Giləmeyvəli desert isə situasiyanı yanız kəskinləşdirir. Bu, qanda şəkərin səviyyəsinin qalxmasına gətirib çıxara bilər.
Daha sonra kəpəklə südün qarışığı gəlir. Kəpəyin tərkibində olan fitin turşusu süd kalsiumu ilə bərabər həll olunmayan birləşmələr yaradır. Bu səbəbdən qidanın həzm prosesi çətinləşir.
İvannikova toyuqla ciyəri də unutmağı məsləhət görür. Tərkibində sink və B9 vitamini olan ayrı-ayrılıqda iki faydalı məhsul bir-birinə həzm olunmaqda mane olur.
Və nəhayət, pizza ilə qazlı su heç də yaxşı tamalama deyil. Karbohidrat, zülal və trans yağlar mədənin aktivliyini aşağı salmaqla yanaşı qarında köp yaradır. Bundan əlavə, belə bir kombinasiya insanda yalançı aclıq hissi yaradır.

Tehsil-press.az