“Məntəqələrdə çəkiliş aparıb-aparmamaq Seçki Məcəlləsində tənzimlənməyib”
Bunu MSK sədri Məzahir Pənahov bu gün keçirilən iclasda deyib.
MSK sədri bildirib ki, əgər hardasa qanunvericiliyə uyğun çəkilişə icazə varsa, o zaman icazə verilməlidir: “Seçki məntəqələrində müşahidəçinin hər hansı pozuntunu qeyd edib imzalatmaq hüququ var.
Bizim binamızın qabağına o gün namizədlər toplaşmışdı. 6 saat onlara şərait yaratdıq. Keçməyən namizəd etiraz etməlidir də. Seçkilərdə qazanan namizədin etiraz etməsi təəccüblü olardı”.
M.Pənahov bildirib ki, MSK üzvləri pozuntularla bağlı şikayətləri sosial şəbəkədən izləyiblər: "Hayla-küylə vaxt itirmək olmaz. Onlar yəqin sifarişi yerinə yetirir. Bizim fəaliyyətimizə şübhə salan “BBC” müxbiri var idi. Ona çatdırın ki, mən onu axtarıram”. “BBC” rəhbərinin nəzərinə çatdırıram ki, o müxbir sizi gözdən salır. O bizi qorxudurdu. Ancaq mən bu gün onu görmürəm. Pozuntuları ortaya qoyanlar MSK-nın pozuntularla bağlı qərarlarını işıqlandırmır”.
Biz onsuz da həmin şikayətləri sosial şəbəkədə görürük. Bütün ölkə boyu nə pozuntu varsa, hamısı sosial şəbəkədə olanlardır. Biz namizədlərdən gələn müraciətlərə gözümüzü yumsaq, heç 2-3 faiz müraciət keçməz. Çünki onların hamısı sosial şəbəkədə yayılıb".

Tehsil-press.az