Səudiyyə Ərəbistanı zəvvarların ölkəyə girişini dayandırır

Səudiyyə Ərəbistanı zəvvarların ölkəyə girişini dayandırır Səudiyyə Ərəbistanı ölkə ərazisində yeni növ COVID-19 koronavirusunun yayılmasının qarşısını almaq üçün bir sıra tədbirlər tətbiq edib.
Bu barədə Krallığın Xarici İşlər Nazirliyindən bildiriblər.
Bildirilir ki, hökumət Ümrə ziyarəti məqsədi ilə gələn şəxslərin ölkəyə girişinin dayandırılması barədə qərar qəbul edib.
Bundan əlavə, yeni növ koronavirusun yayıldığı ölkələrdən Krallığın ərazisinə səfərlərə qadağa qoyulub. Hökumət həmçinin Fars Körfəzi ölkələrinin Əməkdaşlıq Şurasının üzv dövlətlərinin vətəndaşlarına ölkəyə giriş-çıxışda pasport əvəzinə şəxsiyyət vəsiqəsinin istifadə edilməsinə də məhdudiyyətlər tətbiq edib.
Qeyd edilir ki, Səudiyyə Ərəbistanı digər ölkələrin və beynəlxalq təşkilatların, o cümlədən Ümumdünya Səhiyyə Təşkilatının virusa qarşı mübarizə üzrə səylərini dəstəkləməyə hazırdır.

Tehsil-press.az

Oxşar xəbərlər