Belarus Prezidenti Aleksandr Lukaşenko koronavirusdan qorunmağın yolları ilə bağlı məsələhət verib.
Belarus rəhbəri yerli icra rəhbərləri ilə görüşündə araq, sauna və tarla işlərinin virusdan qoruduğunu deyib:
“Mən içən adam deyiləm. Ancaq son zamanlar, zarafatla deyirəm ki, araqla yalnız əllərinizi yumayın, gündə 40-50 qram ondan için. Təmiz spirt virusu öldürür”.
Lukaşenko eyni zamanda, bunu iş vaxtında etməməyi məsləhət görüb.
Bundan başqa, o, məmurlara saunaya getməyi məsləhət görüb:
”Saunaya gedin. Həftədə 2-3 dəfə faydalıdır. Çinlilər bizə dedi ki, bu virus 60 dərəcə temperaturda məhv olur”.
Belarus Prezidenti üçüncü məsləhət kimi tarlada işləməyi deyib:
“Televizora baxırsan: traktorla işləyən insanların heç biri virusdan danışmır. Traktor hər kəsi sağaldır. Tarlalar hamıya şəfa verir”.



Tehsil-press.az