AMEA-nın Radiasiya Problemləri İnstitutunda radiasiya materialşünaslığı ixtisası üzrə qəbul olunan I kurs və hazırda təhsil alan II kurs magistrantlarla görüş keçirilib.
Karantin rejiminin tələblərinə uyğun və sosial məsafə gözlənilməklə təşkil olunan görüşdə çıxış edən elmi müəssisənin direktoru, AMEA-nın müxbir üzvü Oqtay Səmədov magistrantlara uğurlar arzu edib.
O.Səmədov, həmçinin müəssisə əməkdaşlarının, magistrant, doktorant və dissertantların karantin rejimi dövründə müvafiq qaydalara tam əməl etməklə nümunəvi davrandığını və alimlərimizin izolyasiya şəraitində fəaliyyət göstərdiklərini vurğulayıb.
Görüşün sonunda II kurs magistrantların bu gündən etibarən distant tədrisə başlayacaqları diqqətə çatdırılıb.

Tehsil-press.az