Azərbaycan Dillər Universitetinin (ADU) nəzdində fəaliyyət göstərən Konfutsi İnstitutunda Çinin ənənəvi Dunçji (Qışın zirvəsi) bayramına həsr olunmuş onlayn tədbir keçirilib.
Tədbirdə Konfutsi İnstitutunun direktoru Rafiq Abbasov ənənəvi Çin təqviminin ən mühüm günlərindən biri olan Dunçji bayramının xüsusi fəlsəfəsi və tarixi köklərindən danışıb. O, bayramın Çin mədəniyyətinin təsir etdiyi ölkələr üçün böyük əhəmiyyət kəsb etdiyini bildirib.
Pekin Xarici Dillər Universitetinin magistri Tuqay Bagirov isə bayramın adət-ənənələri, Dunçji əfsanələri və mərasimləri barədə məlumat verib. O, Dunçji rəmzi olan Meixua gavalı çiçəklərinin uzunömürlülüyü, qışı və gözəlliyi təcəssüm etdirdiyini bildirib.
Tədbirdə ADU-nun çinşünas tələbələri qədim Çin şairlərinin Dunçjinin rəmzlərinə həsr olunmuş şeirlərini səsləndiriblər. Sonra Konfutsi İnstitutunun əməkdaşları Xan sülaləsi dövrünün məşhur həkiminin resepti ilə ailə birliyinin rəmzi olan bayram "tanyuan" şirniyyat şorbasının hazırlanması üzrə ustad dərsləri keçiblər.

Tehsil-press.az