Ermənistan prezidenti Armen Sarkisyan baş naziri, parlament fraksiyalarının rəhbərlərini və “Vətənin xilası hərəkatı”nın nümayəndələrini martın 13-də görüşə dəvət edib.
Bu barədə Ermənistan prezidentinin mətbuat xidmətinin yaydığı məlumatda deyilir.
Sarkisyan qeyd edib ki, ölkədə siyasi böhran davam edir, vəziyyət gərgin olaraq qalır və bütün bunlar dövlət və dövlətçilik üçün geri dönülməz nəticələrə səbəb ola bilər.
“Problemlər çoxdur, onların həlli konstitusiya və qanunvericilik daxil olmaqla təcili və sistemli dəyişikliklər tələb edir. Həm hökumət, həm də parlament və qeyri-parlament müxalifət nümayəndələri dəfələrlə öz mövqelərini ifadə etdilər. Ancaq qarşılıqlı anlaşma və görüşmək istəyi yoxdur. Hər şeydən əlavə, dözümsüzlük çağırışları edildi”, - deyə Sarksiyan bildirib.
O, fikir müxtəlifliyinin aradan qaldırılmasının yeganə yolunun danışıqlar və dialoq olduğuna əminliyini ifadə edib.

Tehsil-press.az