Sənaye və Texnologiyalar üzrə Gəncə Dövlət Peşə Təhsil Mərkəzində “Açıq qapı” günləri başlayır.
“Açıq qapı” günlərində mərkəzin maddi-texniki bazası ilə tanış olmaq və ixtisaslar barədə məlumat əldə etmək, müxtəlif emalatxanalarda təşkil olunan ustad dərslərinə qoşulmaq mümkün olacaq.
Tədbirdə işəgötürən şirkətlərin – “Azərbaycan Dəmir Yolları” QSC-nin, Gəncə Hunday Servis Mərkəzinin, Gəncə Cihazqayırma zavodunun nümayəndələri, təlimçi-mentor Lalə Ələkbər iştirak edəcək. Gün ərzində müxtəlif emalatxanalarda ustad dərsləri təşkil olunacaq. “Açıq qapı” günləri avqustun 14-dək davam edəcək.

Tehsil-press.az