“II qrupda 200 baldan yuxarı nəticə göstərənlərin təhsil müəssisələrinə qəbul olma şansı var”.
Bunu Dövlət İmtahan Mərkəzinin Direktorlar Şurasının sədri Məleykə Abbaszadə feysbukda canlı yayım zamanı II və III ixtisas qrupu üzrə ixtisas seçimi edəcək abituriyentlərə diqqət yetirməli olduqları məsələlər haqqında danışarkən bildirib.
O qeyd edib ki, bu qrupda 13 min 643 plan yeri var: “150 baldan yuxarı nəticə göstərənlərin sayı isə 8079 nəfərdir. Bu o deməkdir ki, 150 baldan yuxarı nəticə göstərənlər öz ixtisasını düzgün seçsə, qəbul olmaq şansı var”.
M. Abbaszadə bildirib ki, bu qrupda dövlət sifarişli yerlərə qəbul olmaq imkanı da genişdir: “II qrupda 4230 dövlət sifarişli yer var. Təhlillər göstərir ki, 200 baldan yuxarı nəticə göstərənlərin qəbul olma şansı var”.

Tehsil-press.az