“Qatı bloklara bölünmüş yeni bir “soyuq müharibə” və ya dünya istəmirik, bunu bir daha deyirəm”.
Bunu ABŞ Prezidenti Co Bayden BMT 76-cı Baş Assambleyasının iclasında çıxışı zamanı deyib.
Bayden bildirib ki, ABŞ artıq sonu gəlməyən müharibələrə son qoymağa başlayıb:
“Silah heç vaxt həll yolu olmayacaq. ABŞ-ın hərbi gücü bizim son çarə vasitəmiz olmalıdır. Dünyada gördüyümüz hər problemə bir cavab olaraq istifadə edilməməlidir”.
ABŞ lideri vurğulayıb ki, ABŞ öz dəyərləri və strategiyasını müdafiə etməyə davam edəcək:
“Müttəfiqlərimizi və dostlarımızı müdafiəyə davam edəcəyik. Güclü ölkələrin daha zəif ölkələri əzmək və zorla torpaqlarını ələ keçirmək cəhdlərinə qarşı çıxacağıq”.

Tehsil-press.az