Ötən gün Azərbaycan Dövlət İqtisad Universitetinin (UNEC) rektoru Ədalət Muradov hesabat tədbirində çıxışı zamanı universitetlərdə imtahan sessiyasının ləğvi barədə danışıb.
"Əsas hədəfimiz UNEC-də imtahan sessiyalarının mərhələli şəkildə ləğvidir. Belə bir təcrübə xaricdə var. Bizim universitetlərdə də tətbiqi haqda düşünməliyik. Belə olan halda hər ay tələbəyə konkret bir layihə veriləcək və o layihə əsasında da tələbə qiymətləndiriləcək", - deyə o bildirib.
Bəs univeristetlərdə imtahanların ləğvi nə dərəcədə realdır və imtahanlar hansı üsullarla əvəzlənə bilər?
Məsələ ilə bağlı sualları cavablayan təhsil eksperti Kamran Əsədov qeyd edib ki, hazırda hazırda ali təhsil müəssisələrində həyata keçirilən semestr imtahanları sovet dönəmindən qalan üsullarla həyata keçirilir.
"Baxmayaraq ki, biz 2005-ci ildən etibarən Boloniya sisteminə qoşulmuşuq. Bu sistemə görə ali təhsil müəssisələrində semestr qiymətləndirməsi tamamilə fərqli ölçmə və yoxlama alətləri ilə həyata kçeirilməlidir. Bugün Azərbaycan ali təhsil müəssilərinin dünya reytinqdə olmamasının əsas səbəblərindən biri tədrisin aşağı səviyyədə təşkili ilə bağlıdır. Çox az universitet müasir dövrün tələblərinə uyğun semestr imtahanlarını təşkil edə bilir. İqtisad universitetin yeni təklifi tamamilə fərqli bir yanaşma deyil. Bu bir sıra inkişaf etmiş ölkələrdə tətbiq edilən bir qaydadır. Semestr imtahanlarının məqsəsdi tələbələrə semestr boyunca verilən biliklərin yoxlanılmasıdır.
boyunca verilən biliklərin yoxlanılmasıdır.
Heç də bütün fənnlərin hər birindən layihə yazaraq biliyin qiymətləndirlməsi mümkün deyil. Ən vacib məqam ali təhsil müəssilərinin əmək bazarına və müasir standartlara cavab verən kadr hazırlığını həyata keçirməkdir.
Biliyin qiymətləndirilməsinin yeni mexanizmə ehtiyacı var. Təbii ki, mövcud semestr imtahanlarına da tələbələr testlə əzbərləyib ya da sual biletlərinə hazırlaşırlar. Bu əzbərçilikdən başqa bir şey deyil. Qiymtələndirmənin ən vacib məqamlarında biri çevik sürətli ədalətli və şəffar olmasıdır", - deyə o əlavə edib.
Elm və Təhsil Nazirliyi yanında İctimai Şuranın üzvü, Azərbaycan Gənc Alim, Doktorant və Magistrlər Cəmiyyətinin sədri, fəlsəfə doktoru İlqar Orucov Trend-ə açıqlamasında qeyd edib ki, biz yenilikdən, müasirlikdən danışırıqsa mütləq şəkildə dünyada bu sahədə gedən proseslərdən geri qalmamalıyıq.
"Bu proseslərdən biri də univeristetlərdə semestr imtahanlarının mərhələli şəkildə dəyişdirilməsi və gələcəkdə daha müasir formada tətbiqindən gedir. Dünyada bu cür təcrübələr var. Biz universitetdə tələbələrə düşünməyi öyrətməliyik, nəyisə əzbərlətməli deyilik. İstiqamət verməli və yönləndirməliyik.
Tələbə oxumalı, çalışmalıdı lakin bizdəki imtahan sistemi ilə biz onları yorur və stress altında saxlayırıq. Amma mütəmadi olaraq semestr boyunca biliklərini müxtəlif üsullurla biliklərini yoxlaya bilərik.
Universit müəllimi başa düməlidir ki tələbə yoxdursa, o da yoxdur. Mümkün qədər tələbə ilə humanist davranmaldıır. Bizim univeristlərdə həqiqətən tələbəyə yuxardan aşağı baxılır. Tələbənin imthanda göstərəcəyi nəticə müəlliminin marağında olmalıdır", - deyə İ. Orucov bildirib.

Tehsil-press.az