İtaliya “Bir kəmər, bir yol” təşəbbüsündən çıxmaq niyyətindədir.
Bunu İtaliyanın Baş naziri Ciorcia Meloni deyib.
“İkitərəfli əməkdaşlığın mövcud vəziyyəti və perspektivlərin müzakirəsi məqsədilə Çinə səfər etmək niyyətindəyəm. İtaliya Çin ilə ikitərəfli səviyyədə münasibətləri dərinləşdirmək istəyir”, - deyə Baş nazir bildirib.
“Bir kəmər, bir yol” təşəbbüsü Çinin tarixi İpək yolu üzərində nəqliyyat və infrastruktur layihələri ilə Şərq-Qərb ticarətini stimullaşdırmaq məqsədi daşıyır.
Qeyd edək ki, Ciorcia Meloni sentyabrın 11-də Dohada Qətər Dövlətinin Əmiri Şeyx Təmim bin Həməd Al Tani ilə görüşüb. Görüşdə yaxşı səviyyədə olan ikitərəfli münasibətlər və gələcək əməkdaşlıq əlaqələri müzakirə edilib.

Tehsil-press.az