Bakı Dövlət Universitetinin (BDU) rektoru Elçin Babayevin 2023-2024-cü tədris ilində Prezident təqaüdünə layiq görülmüş BDU tələbələri ilə görüşü olub.
Görüşdə rektor E.Babayev BDU tələbəsi adını qazanmış gəncləri qəbul imtahanlarında topladıqları yüksək nəticələrə görə Prezident təqaüdünə layiq görülmələri münasibətilə təbrik edib, onlara uğurlar arzulayıb: “Prezident təqaüdünə layiq görülən 102 nəfərdən biri olmaq böyük qürurdur. Sizin bu adı şərəflə daşıyacağınıza, yaxşı təhsil alacağınıza, xalqımıza, dövlətimizə layiq, peşəkar mütəxəssislər kimi yetişəcəyinizə əminəm”.
E.Babayev universitetin məzunlarının ölkəmizi dünyada layiqincə təmsil etdiklərini, BDU-nun ən böyük məzununun Ulu Öndər Heydər Əliyev olduğunu bildirib. Rektor tələbələrə tək tədrisdə deyil, BDU-nun sosial və ictimai həyatında da fəal olmağı tövsiyə edib.

Tehsil-press.az