Almaniyanın və Avropanın məşhur akkreditasiya təşkilatlarından biri olan Mühəndislik, İnformatika, Təbiət Elmləri və Riyaziyyat üzrə Təhsil Proqramları üçün Akkreditasiya Agentliyi tərəfindən Azərbaycan Dövlət Neft və Sənaye Universitetinin (ADNSU) 5 ixtisası üzrə tədris proqramı Avropa standartlarına uyğun sayılaraq növbəti üç il müddətinə akkreditasiya olunub.
Beynəlxalq agentliyin qəbul etdiyi qərara əsasən, ADNSU-nun mexatronika və robototexnika mühəndisliyi, neft-qaz mühəndisliyi, geologiya mühəndisliyi, kimya mühəndisliyi (bakalavriat üzrə), kimya mühəndisliyi (magistratura üzrə) ixtisaslarının beynəlxalq akkreditasiyadan keçməsi 2027-ci il sentyabrın 30-dək rəsmi olaraq etibarlı hesab edilir.
Ümumilikdə isə ADNSU-da 18 ixtisas beynəlxalq akkreditasiyadan keçib.

Tehsil-press.az