Erməni etnik qrupunun nümayəndəsi Faresin Ones Vartan Aqabekyan Şahin Fələstinin formalaşan hökumətinin yeni üzvlərindən biri, xarici işlər və xaricilərlə iş üzrə dövlət naziri təyin olunub.

Bu barədə xarici KİV-lər məlumat yayıb.

Bildirilib ki, Aqabekyan 1958-ci ildə İordaniyada anadan olub. Fələstində kilsə işlərinə nəzarət üzrə Prezident ali komitəsinin üzvüdür. O, 1983-cü ildə ABŞ-nin İndiana ştatında Perdyu Universitetində magistr, Pittsburq Universitetində siyasi məsələlər üzrə doktorluq dərəcəsi alıb. 1988-2008-ci illərdə Qüds Universitetində dosent və sonra da dekan işləyib.

Məlumata görə, Fələstin hökumətinin ikinci yeni üzvü humanitar yardım məsələləri üzrə dövlət naziri Basil əl-Kafarndır.

Qeyd edək ki, martın 28-də də Fələstin dövlətinin başçısı Mahmud Abbas Məhəmməd Mustafanın başçılığı altında hökumətin yeni tərkibini təsdiqləyib.

Tehsil-press.az