Bakı Dövlət Universitetinin (BDU) Psixoloji yardım sektoru tələbələr üçün “Düşüncənin gücü” adlı təlim keçirib.

Təlimə universitetin bütün fakültələrindən tələbələr qatılıb. Tələbələrə düşüncənin insan həyatındakı rolu, duyğu və davranışlara təsiri, gündəlik həyatda istifadə edilən düşüncə xətaları (koqnitiv təhriflər) və onlarla mübarizə üsulları haqqında ətraflı məlumat verilib. Qeyd edilib ki, gündəlik həyatda istifadə edilən koqnitiv təhriflər müxtəlif faktorlarla bağlı meydana çıxa bilər.

Tələbələrin müzakirə olunan mövzu ilə bağlı sualları cavablandırılıb, onlara gündəlik həyatda istifadə olunan koqnitiv təhriflərlə bağlı doğru mübarizə texnikaları öyrədilib.

Sonda tələbələr öyrəndikləri mübarizə texnikalarını tətbiq etməklə neqativ düşüncələri daha funksional düşüncələrlə əvəz edən praktik çalışmalar yerinə yetiriblər.

Tehsil-press.az