Süni intellektin artan təsiri Böyük Britaniyanın hər dörd iri şirkətindən birində işçi ixtisarlarına səbəb olacaq.

Bu barədə "The Financial Times" qəzeti məlumat yayıb.

Qəzet bu barədə Britaniya işəgötürənləri arasında aparılmış sorğuya istinadən yazır.

Sorğunun nəticələrinə əsasən, iri müəssisələrin dörddə birindən çoxu 2026-cı il ərzində işçi sayını azaltmağı planlaşdırır. Risk qrupuna əsasən aşağı vəzifə pilləsində çalışan əməkdaşlar daxildir.

Böyük Britaniya Personal və İnkişaf İnstitutunun (CIPD) məlumatına görə, özəl sektor şirkətlərinin 26%-i, dövlət təşkilatlarının isə 20%-i növbəti 12 ayda fəaliyyətlərini optimallaşdırmaq məqsədilə ixtisar həyata keçirməyi planlaşdırır.

Tədqiqat göstərir ki, dəyişikliklər xüsusilə maliyyə xidmətləri sektoruna ciddi təsir edəcək - burada işəgötürənlərin 37%-i iş yerlərinin azalacağını gözləyir. Ardınca İT sənayesi gəlir (26%), daha sonra isə hüquq, mühasibat və konsaltinq sahələri (24%) gəlir.

Tehsil-press.az