HeadHunter Araşdırmalar Xidməti ali təhsil almaq üçün dünyanın ən cəlbedici ölkələrinin adlarını açıqlayıb. Sorğu prosesində 1694 respondent iştirak edib. Dünyanın ali təhsil verən 10 ən cəlbedici ölkələrinin sıralanması belədir:

1. ABŞ
2. Almaniya
3. Avstraliya
4. Böyük Britaniya
5. Kanada
6. Yaponiya
7. Fransa
8. Niderland
9. Çin
10. İsveç

İlk 6 ölkənin təhsil göstəriciləri:
ABŞ. Dünya təhsil məkanında ABŞ-ın liderliyi, bu ölkənin ən prestijli ali məktəblərinin sayına görə öndə olması ilə bağlıdır.

Son illər dünya reytinqli 10 universitet sırasına 6-7 universitet daxil olub ki, onların da arasında Harvard Universiteti, Massaçusets Texnologiya İnstitutu, Yel Universiteti və digərlərinin adlarını çəkmək olar. Bu üstünlüyün nəticəsi olaraq onu da demək vacibdir ki, Amerikada təhsil haqqı dünyada ən yüksəkdir. Bundan əlavə, təhsil alanların üçün bu ölkənin vizasını almaq da çox çətindir. Dil faktoru da bu ölkəyə təhsil almağa üz tutanlar üçün az əhəmiyyət kəsb etmir. Qeyd olunmalıdır ki, Amerika BMT-nin hesabatına görə, həyat səviyyəsinə görə dünyanın ilk 10-luğuna daxildir. Bütün bunlar Amerikanın ən cəlbedici təhsil ölkələri sırasında liderliyini şərtləndirib.

Almaniya. Amerikadan fərqli olaraq Almaniyanın təhsil üçün cəlbediciliyini nisbətən aşağıdır. Almaniya ən cəlbedici ölkələrin siyahısında 2-ci yerdədir.

Bu ölkə ən nüfuzlu ali məktəblərinin sayına görə reytinq cədvəlində 3-cü yerdədir. Almaniyanın bu siyahıda yüksək yer tutması, ilk növbədə, alman ali məktəblərində təhsil haqlarının ABŞ, Avstraliya, Yeni Zellandiya, Böyük Britaniya kimi ölkələrdən fərqli olaraq daha demokratik olması ilə əlaqədardır.

Avstraliya. Bu ölkədə təhsilin yüksək qiymət alması, ilk növbədə, yaşıl kontinentin həyat keyfiyyətinə görə ikinci yerdə olması və nüfuzlu ali məktəblərinin sayına görə dünya ölkələrinin sırasında 5-ci yerdə olması ilə bağlıdır.

Avstraliyanın ali məktəblərində təhsil haqları kifayət qədər yüksəkdir(ikinci yer). Bundan əlavə, təhsil alanlar üçün vizaların alınmasında müəyyən çətinliklər də mövcuddur. Bu və digər faktorlara Avstraliya reytinq cədvəlinə Almaniya ilə 3-cü yeri bölüşür.

Böyük Britaniya. Bu ölkədə çoxdandır ki, təhsil standartlarının etalonu hesab olunur və dünyanın bir çox ölkələri ingilis məktəbini nümunə götütür.
Kembric Universiteti 2011-ci il dünya universitetlərinin reytinq cədvəlinə liderlik edir. Bundan başqa, ən nüfuzlu ali məktəblərin sayına görə də Böyük Britaniya ABŞ-dan sonra ikinci yerdədir. Bu ölkənin ən cəlbedici ölkələrin siyahısında 3-cü yer tutması həm də həyat keyfiyyəti göstəriciləri ilə əlaqədardır.

BMT-nin hesabatına görə, həyat keyfiyyət göstəricisinə görə Böyük Britaniya 26-cı yerdədir. Bu faktor ali məktənlərin nüfuz göstəricisindən əhəmiyyətli faktordur. Təhsil haqlarına görə bu ölkə ən bahalı ali məktəblərə malik olan ölkələr sırasında 5-ci yerdədir. Bundan əlavə, xarici tələbələr üçün bir sıra çətinliklər də mövuddur.

Kanada. Bu ölkə ən nüfuzlu ali məktəblərin sayına görə 7-ci, həyat səviyyəsinə görə 8-cidir. Təhsil haqları kifayət qədər bahadır, təhsilalanlar üçün viza alınması problemli mövcuddur.


Yaponiya. Gündoğan ölkə siyahısında 6-cıdır. Bu ölkənin lider ölkələrin 5-liyinə daxil olmasına dil faktoru təsir edib. Yaponiya nüfuzlu ali məktəblərinin sayına görə dünya ölkələrinin siyahısında 4-cü və həyat kefiyyətinə görə isə 11-cidir.

Dünyanınən cəlbedici ölkələrinin siyahısı tərtib olunarkən 4 əsas kriteriya əsas götürülüb: ölkənin ali məktəblərinin nüfuzu və orada təhsilin keyfiyyəti (4,33 bal), dil yetərliyi (4,03 bal), həyat üçün bu ölkənin cəlbediciliyi (3,43 bal), ali məktəblərdə orta təhsil haqqı (3,43 bal), vizaların alınmasının sadəliyi (1,98 bal).

Tehsil-press.az
İnformasiya Agentliyi