MDB PA müşahidəçiləri də Səbaildə müşahidəyə başlayıblar 

MDB PA müşahidəçiləri də Səbaildə müşahidəyə başlayıblar  MDB Parlamentlәrarası Assambleyasının (PA) müşahidә missiyasının üzvləri artıq Azәrbaycanda keçirilən referendumun gedişini müşahidəyə başlayıblar.

Tehsil-press.az-n məlumatına görə, hazırda onlar Sәbail Seçki Dairәsinin 6 saylı seçki mәntәqәsindә olublar. Qeyd edək ki, MDB PA müşahidә missiyasının rәhbәri İlyas Umaxanov da məntəqədədir.
Qeyd edək ki, Azərbaycanda ölkə Konstitusiyasında dəyişikliklər edilməsi məqsədilə ümumxalq səsverməsi (referendum) keçirilir. Referendum saat 08:00-da başlayıb və səsvermə saat 19:00-da başa çatacaq.
Referendumu izləmək üçün 117 beynəlxalq müşahidəçi Mərkəzi Seçki Komissiyasında akkreditasiyadan keçib. Onlar təxminən 35 ölkənin, Avropa Şurası Parlament Assambleyası da daxil olmaqla, müxtəlif beynəlxalq təşkilatların nümayəndələri, parlamentarilərdir. Ümumilikdə müşahidəçilərin sayı 53 minə yaxındır.
Seçki məntəqələrində proseslərin bütünlüklə izlənilməsi məqsədilə bütün ölkə coğrafiyasını əhatə edən 119 seçki dairəsi üzrə 1000 seçki məntəqəsində (təqribən 20%) veb-kamera quraşdırılıb. Seçkilərdə 5600-dən artıq seçki məntəqəsi var. Hər seçki məntəqəsinə 10-a yaxın müşahidəçi düşür.


Tehsil-press.az

Oxşar xəbərlər