Prezident İlham Əliyev və xanımı Bakıdakı 6 saylı seçki məntəqəsində səs veriblər

Prezident İlham Əliyev və xanımı Bakıdakı 6 saylı seçki məntəqəsində səs veriblər Sentyabrın 26-sı Azərbaycan Respublikasında ümumxalq səsverməsi (referendum) günüdür.

Səsvermə prosesinin başladığı ilk dəqiqələrdən Bakı şəhərinin 29 saylı Səbail seçki dairəsinin 6 nömrəli orta məktəbdə yerləşən 6 saylı seçki məntəqəsində xüsusi canlanma müşahidə olunurdu. Azərbaycan Prezidenti İlham Əliyev xanımı Mehriban Əliyeva və ailə üzvləri ilə birlikdə seçki məntəqəsinə gəldi.
Prezident İlham Əliyev seçki məntəqəsinə daxil olub səsvermə bülletenini alaraq kabinəyə keçdi və sonra bülleteni qutuya saldı. Bu anı respublikamızın və xarici ölkələrin mətbuat orqanlarının, televiziya kanallarının nümayəndələri izlədilər. Sonra birinci xanım Mehriban Əliyeva və ailə üzvləri səs verdilər.


Tehsil-press.az

Oxşar xəbərlər