Elmar Məmmədyarov GUAM-Yaponiya görüşündə iştirak edib

Elmar Məmmədyarov GUAM-Yaponiya görüşündə iştirak edib Azərbaycanın xarici işlər naziri Elmar Məmmədyarov BMT Baş Assambleyasının 72-ci sessiyası çərçivəsində keçirilmiş GUAM-Yaponiya Nazirlər Şurasının iclasında iştirak edib.
Azərbaycan Xarici İşlər Nazirliyinin (XİN) mətbuat xidmətindən Təhsil-press.az-a verilən məlumata görə, iclasın yekunu olaraq, “GUAM-Yaponiya Mətbuat Açıqlaması” qəbul edilib.
Mətbuat açıqlamasında tərəflər BMT Nizamnaməsində əks olunmuş prinsiplər də daxil olmaqla, beynəlxalq hüququn hamılıqla qəbul edilmiş norma və prinsipləri, xüsusilə dövlətlərin suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığına hörmət prinsipləri bir daha təsdiq ediblər.
Həmçinin, tərəflər regional və beynəlxalq müstəvilərdə sülh, təhlükəsizlik və sabitliyin təmin olunması məqsədi daşıyan GUAM-Yaponiya əməkdaşlığının əhəmiyyətini vurğulayıblar və ticarət və sərmayə qoyuluşu, enerji, fövqəladə hallar, turizm, nəqliyyat, mədəniyyət, kənd təsərrüfatı, səhiyyə və ətraf mühit sahəsində əməkdaşlığın daha da genişləndirilməsi və dərinləşdirilməsi üçün yeni layihələrin icrasının vacibliyini qeyd ediblər.

Təhsil-press.az

Oxşar xəbərlər