Həmvətənimiz Mirzə Əsgərovun bədii rəhbəri və dirijoru olduğu M.Lomonosov adına Moskva Dövlət Universitetinin (MDU) akademik xorunun konsert mövsümü müxtəlif tədbirlərlə zəngindir. Kollektiv noyabrın 11-də Moskva Dövlət Filarmoniyasının “Orkestrion” konsert zalında XVIII “Admiralteyskaya muzıka” beynəlxalq festivalında çıxış edəcək.
Bu barədə məlumat festivalın saytında və MDU-nun akademik xorunun “facebook” səhifəsində yer alıb.
MDU-nun akademik xorunda tələbələr, aspirantlar, bu universitetin əməkdaşları və müxtəlif fakültələrin məzunları, habelə həvəskarlar iştirak edirlər. Ümumiyyətlə, xorun repertuarında 200-dən çox bəstəkarın klassik və müasir əsərləri, müxtəlif dillərdə xalq mahnıları yer alıb.

Tehsil-press.az