Azərbaycan Dövlət İqtisad Universitetində (UNEC) iyirmi ixtisas üzrə aparılan təkrar ali təhsil iqtisadyönümlü ixtisaslarla yanaşı, texniki və texnoliji ixtisasları da əhatə edir.
UNEC-dən AZƏRTAC-a bildirilib ki, təkrar ali təhsilə qəbul yalnız elektron qaydada həyata keçirilir. İxtisaslara qəbul olunmaq istəyənlər tələb edilən sənədləri elektron qaydada http://www.kabinet.unec.edu.az e-mail ünvanına göndərdikdən sonra müvafiq tələblərə cavab verdikləri halda təkrar ali təhsil almaq hüququ qazanırlar.
Qeyd edək ki, 1993-cü ildən sonra xarici ölkələrdə ali təhsil almış şəxslər yalnız diplomları mövcud qaydada Təhsil Nazirliyi tərəfindən tanındıqdan sonra UNEC-də təkrar ali təhsil ala bilərlər.
Sənəd qəbulu oktyabrın 20-dək davam edəcək.

UNEC-in Mətbuat Xidməti